Thuhet se ceremonia e Grammy 2025 mund të shtyhet pas zjarreve në Los Anxhelos.
Ceremonia për këtë vit është planifikuar të zhvillohet më 2 shkurt në Crypto.com Arena në Los Anxhelos. Rreth prezantimit, nuk ka ende detaje dhe as kush do të performojë.
Ka raportime se ka pasur bisedime për shtyrjen e ceremonisë ose për ndryshimin e formatit të tij, transmeton Klankosova.tv.
Sipas The Hollywood Reporter, fati i Grammyt këtë vit do të vendoset brenda ditëve në vijim, varësisht se si do të evoluojë situata me zjarret.
Një burim i tha gazetës se një shtyrje është “shumë e mundshme” pasi zjarret nuk janë ende nën kontroll dhe po shpërthejnë në të gjithë qytetin.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
