Gazetarja, Anita Haradinaj në emisionin “Sol” ka bërë një rrëfim pak më ndryshe sesa jemi mësuar ta shohim.
Ajo foli për fëmijërinë e saj, ku vetën e cilësoi si një fëmijë të llastuar e mistrece, ku shton se edhe sot e kësaj dite, bashkëshorti i saj, Ramush Haradinaj e llaston ende, transmeton Klankosova.tv.
“Në përgjithësi unë kam pasur fëmijëri të bukur, të mirë. Kam pasur fëmijëri të lumtur. Jam rritur me prindër të mirë, jam rritur me një familje artistësh. Kam qenë një fëmijë i llastuar, fëmijë mistrec. Unë nuk kam ndryshuar asnjëherë, dhe nuk do të ndryshojë kurrë. Më pëlqen vetja kështu siç jam. Edhe sot më llastojnë edhe fëmijët, edhe Ramushi”, tha ajo.
E sekreti i saj për të qenë kaq pozitive, është të mbash gjallë fëmijën brenda vetës.
“Është aftësi të dish të ruash atë fëmijën brenda teje se ai të mban gjallë, është shumë e rëndësishme që ta ruash edhe personalitetin, por edhe atë fëmijën brenda teje. Atë Piter Pan-in”, u shpreh tutje moderatorja.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
